السلام عليكم ورحمة الله وبركاته
وقعة طلال العظيمة (1290)وقعة طلال العظيمة عام ( 1290 )
ذكر ابن عيسى في كتابه عقد الدرر فيما وقع في نجد في آواخر القرن الثالث عشر وأول الرابع عشر
اما المؤرخين الذين ذكرو المعركه بأيجاز فهم :
1- ابن عيسى في كتاب (عقد الدرر))
2- البسّام في كتاب ((تحفة المشتاق ))
3- العثيمين في كتاب ((تاريخ المملكه العربيه السعوديه ))وهو كتاب يدّرس كمنهج في الجامعات السعوديه.
4- العطّار في كتاب (صقر الجزيره)
5- ابو عليه في كتاب (تاريخ الدوله السعوديه الثانيه)
6- المؤرخ والكاتب الانجليزي جون فيلبي في كتاب (تاريخ الوهابيين)
اولآ..:
التعريف بشخصية الامير سعود بن فيصل بن تركي ال سعود
الحاكم الرابع للدوله السعوديه الثانيه ,ولد عام 1245هـ تقريبا , امه بنت الشيخ ابن منديل من زعماء بني خالد القبيله المشهوره , عرف الامير سعود بالشجاعه والكرم ,حتّى لقّب (أبوهلا), وهو والد الفارس الامير المشهور محمد بن سعود (غزالان), وهو ايضا جد الفارس الامير سعود الكبير (العرافه)بن عبدالعزيز بن سعود الفيصل ,من سلالته اليوم الامراء, ال كبير (صاحب السمو الاميرسلطان بن محمد بن سعود الكبير
حفظه الله وأخوانه ), ومن سلالته ايضا الامير الشاعر (السامر) عبدالعزيز بن سعود بن محمد بن عبدالعزيز بن سعود الفيصل .
(نعم بذا الوالد ونعم الوليدي ), (صقور من ماكر صقور)
يقول الشاعر فجحان الفراوي مادحا الامير سعود بن فيصل :
ياسعود ياترث الصخا منقع الجود =انت الغرض ماعاد نبغى بدالـك
انته سعود معرب الجـد بشهـود =أبوك فيصل وابن منديل خالـك
كان لما توفي والده الامام فيصل بن تركي عام 1282ه , خرج عن طاعة اخيه عبدالله بن فيصل , وحصلت بينهم عدّة وقعات , انتصر في اغلبها على عبدالله , ثم دخل الرياض حاكما في المحرم عام 1288ه الى ان توفي ,
توفي رحمه الله في الرياض في شهر ذي الحجه عام 1291ه .
اسباب المعركه :
للمعركه عدّة اسباب :
السبب الاول-ان الامير مسلط بن ربيعان لم يفد على سعود , ولم يبايعه ولم يعطه الزكاة ..يقول المؤرخ مقبل الذكير في مخطوط (مطالع السعود) (....لما حصلت الانتصارات لسعود على أخيه عبدالله , في وقعتي جوده_ 1287ه _والبره_1288ه _وفد عليه رؤساء القبائل يهنئونه , الامسلط بن ربيعان فأنه لم يفد عليه فنقم عليه سعود وأراد ان ينكل به....)).انتهى ص96
السبب الثاني_ ميل الامير مسلط بن ربيعان الى صف الامام عبدالله بن فيصل ..حيث يقول الذكير(......كان سعود ناقما على مسلط ,لانه كان سابقا يميل الى عبدالله الفيصل , رغم انه لما حصل الخلاف بين عبدالله وسعود تجنب مسلط امورهم ولم يتدخل في شيء منها ولم يساعد أحد منهم ...)) انتهى ص 96
السبب الثالث- أن الدويش ورؤساء مطير حرّضوا سعود على غزو عتيبه , بسبب ان عتيبه قد أخذت بعض حلال مطير السنه الفائته .....وفي ذلك يقول الذكير قاصدا سعود (....وحمله على ذلك _غزو عتيبه _ الدويش ورؤساء مطير ...))انتهى
والدويش هو الشيخ بدر بن شقير بن محمد بن فيصل بن وطبان الدويش
شيخ ال محمد من الدوشان , فقد جمع الشيخ بدر الدويش فرسان مطير من علوى وبريه فرعي قبيلة مطير , وبرز من فرسانهم في المعركه , الفارس بدر بن مشل الدويش , والفارس الشيخ غنيم بن شبلان شيخ اليحيا من الجبلان علوى مطير , والفارس الشيخ سلطان البعّير شيخ الخواطره من الموهه من علوى مطير .
مقدمات المعركه
نبه الامير سعود بن فيصل بالمغزا , وأرسل الى روؤساء البلدان والقبائل , فأجتمع لديه خلق كثير , نعدد منهم 1- مطير بفرعيها علوى وبريه 2- سبيع بقيادة الشيخ فراج بن عساف ابوثنين 3- العجمان بقيادة الشيخ حزام بن مانع بن حثلين 4-الدواسر منهم الشكره بقيادة شيخهم ابن حفيظ .
اما الحضر فمنهم اهل العارض وأهل الوشم بقيادة ابن سدحان والبواردي وأهل الخرج والحوطه والحريق بقيادة الهزاني , واهل الغاط بقياده الامير محمد بن أحمد السديري _خال الملك عبدالعزيز _وأهل القصيم بقيادة الامير مهنا الصالح ابالخيل .
ساروا في ربيع الثاني عام 1290هـ, فلما قطعوا اكثر من ثلثي المسافه , متجهين الى حيث يقطن مسلط بن ربيعان على آبار طلال في عالية نجد , فشاهدهم رجل من عتيبه اسمه سرور الحمادي , فسابقهم يريد ان ينذر قومه ,فوصل اليهم قبل الجيش بليله , فجاءهم باليل (العتيم), وأخبر مسلط بما شاهد , فأمر مسلط أحد عبيده بأن يكبّر النار بوضع جميع الحطب فيها , وأرسل مراسيل يستدعي كبار القوم , فلما حضروا أخبرهم , وقال ان سعود قريب وحروته صباح الغد , وش رايكم , فأختلفت الاراء بين الشديد والهزيمه , وبين الثبوت والعزيمه (وكان من رأي مسلط الثبات , وهذا هو رأيه دائما ,اليس هو مناوخ الحكام؟؟, لكن يريد أن يتفحص عزائم القوم ) فقال فريق آخر : نبي نهزّم البل بليل ونبقى خيل ورجال , وأذا جاء قابلناه اما ننتصر, واما ان انتصر سعود مانخسر الا السوادين (بيوت وغنم).قال الامير مسلط : وش حنا بليا السوادين ,,,هذا ماهوب راي ,,ثم تفقد الحضور وسأل عن صنيتان الضيط , وكان غائبا , فأرسل من يندبه (وكان الضيطه مشهورين الى جانب شجاعتهم , بسداد الرأي )فلما جاء صنيتان , خاطبه الامير مسلط وقال: وش رأيك ياصنيتان , قال صنيتان : الرأي رايكم , قال مسلط : مالقينا رأي ناس تقول ننهزم وناس تقول نواجه بدون مال ,وانت وش رايك ياصنيتان , قال صنيتان الضيط مقولته المشهوره:الرأي (عقال ومبرك وقلب يأوي لهن هدان), يعني عقّلوا البل ونحارب دونها , فقال الامير مسلط: هذا هو الرأي ,أسمعوا يالحضور , الحاضر يعلّم الغايب ,ترى المنع مرفوع , وترى اللي يمنع مسهوج وجهه,قال صنيتان الضيط :قم يافلان وقم يافلان ونادوا فلان وفلان عدّد مجموعه من شباب القوم , قال ياعيال , الحين سعود منّوخ ويبي يصبحّنا , والمتسرقه (المتسللين)من قومه يشوفون نيرانّا , ويبون يحوفون البل والبيوت قبل البيرق , لكن حنا نبغا نكمن لهم , في أسفل الشعيب , ومن جاء منهم ذكيناه , وقطعنا راسه , وحطينا راسه عند رجليه , حتى أذا أغار القوم صباحه , يشوفون ربعهم على الدرب , بهذا المنظر ويرتبكون , ويجفلون ,,ففعل مثل ماقال ..
ثم لمّا دخل مسلط (المحرم )قسم النساء , جاءته ابنة أخته (مضاوي بنت الحميدي الدويش , امها شعاع بنت محمد بن ربيعان , ومضاوي كانت متزوجه من ولد خالها تركي بن سلطان بن ربيعان )وقالت لخالها الامير مسلط : ياخالي أنا طلبت بنات خوالي انني أكون في العطفه الصبح , ورضوا , وانا هالحين طالبتك ايّاها ,فقال مسلط لكي ماتريدين ..
المعركه
فلما جاء الصبح رتّب الامير مسلط جموعه وصاح فالروقه قائلا وين ذهين الحبردي ,وين خالد اباالروس
وين دهمش الحبردي ,فلما اتو قال الامير مسلط لذهين سق الجمل فقال ذهين ,انا اخو ذهنه عنزتها على وانا
عنزتها على الله فساق الجمل وفرسان الحبرديه حولها ثم وضع المزاحمه في الميمنه , وطلحه في الميسره , فتقدم الامير مسلط وكان عاصبا رأسه بقماش أحمر , ولبس جوخة حمراء , والى يمينه الفارس الداهيه مدوّخ السليح عاصب راسه بخرقة سوداء , وعلى يساره الفارس ذعار بن صلاّل والفارس الجلاوي .
فلما تقدّموا (وكان مسلط على فرس شعلى اللون ,وكان هو في المقدمه , على انه كان كبير السن حدود 70عام , فلما تقدّم سمعت فرسه صوت الطبول , في الجيش المقابل , وكانوا العبيد يقرعونها للتنبيه ولتحفيز الجيش على القتال ..فلما سمعت الفرس الصوت ...(أحرنت ) جفلت ,فلكدها مسلط بقدمه , وقال والله لتلكدين ,( ما مروعك الا عبد يقرع له شن),.........فتقدم وصاح , الآد روق ياعيال أبوي , اليوم يومكم , عوايدكم .......علااااااااااهم , والله أكبر .
ثم فزعت الخيل بالفرسان , وأشتبكت الجموع , وبدا الغبار وريح البارود
وصهيل الخيل وقرع السيوف وأصوات العزاوي
وانغمس الجمل بالعطفه في وسط الميدان , وخرجت
البنت (مضاوي) وحذفت , شيلتها وفرعّت , وصاحت وهي تبكي ...
(عليهم يالاد روق عليهم يالاد روق ,,هوشوا هوشوا ,,عسالكم تالي ..عسا لكم تالي ..).فانتصروا على انهم أقل بكثير من جيش سعود
كان عددجيش الامام اكثر من ثمانية الاف مقاتل
وكان عدد الروقه قيل ثمانميه وقيل في روايه اخرى انهم ثلاثميه
يقول المولى عز وجل في محكم التنزيل ((....قال الذين يظنوا انهم ملاقوا الله كم من فئة قليله غلبت فئة كثيره بأذن الله والله مع الصابرين ))آيه 249 سورة البقره.
قال الاستاذ أحمد عطّار في كتاب صقر الجزيره ج1 ط2 صفحه 76. بعد ان تحدث عن حكم سعود .((.....وأخيرا ضعف شأنه حتى قام عليه رجال عتيبه تحت أمرة زعيمهم مسلط بن ربيعان , بأعمال النهب و السلب وونهبوا الجانب الغربي , من الرياض فخرج اليهم سعود , وتقاتل رجاله مع رجال مسلط ,قتالا شديدا ,ذهب ضحيته ,كثير من المخلصين لسعود , واصيب هو نفسه , بجرح بليغ الزمه الفراش مده وكان ينغر عليه ويخرج منه الدم فمات من أثره عام 1291هـ..))انتهى
يقول المؤرخ ابن عيسى واصفا شراسة المعركه , وعدد من قتل فيها (....فحصل بين الفريقين قتال شديد , وصارت الهزيمه على سعود بن فيصل , ومن معه وقتل منهم خلق كثير ....))
وكان عدد القتلى في المعركه اكثر من تسعمئه قتيل
ومن مشاهير القتلى الذين ذكرهم
1-الامير سعود بن صنيتان ال سعود
2- الامير محمد بن احمد السديري امير الغاط وخال الملك عبدالعزيز.
3- عبدالعزيز بن احمد السديري خال الملك عبدالعزيز.
4- الامير علي بن ابراهيم بن سويد امير جلاجل
5- الامير فهد بن سعد بن سدحان امير شقراء
6- سعد بن محمد البواردي من كبار اهل الوشم
وغيرهم كثير .
كذلك قال الفارس الشاعر شليويح العطاوي عدّة قصائد
يقول المؤرخ العبيّد في مخطوط النجم اللامع , في صفحه 297 بعد ان تحدث عن تفصيل المعركه :
((...وتشهد بشهرتها , قصيدة شليويح العطاوي , كما شهدت , قصيدة عمرو بن كلثوم لبني تغلب في وقعة خزاز , مع اليمانيين .....))
ومــن القصــائد التي قيلــت بهـاذهـ المعركه ..:
قصيدة شليويح العطاوي ويقول فيها:
الا يالله تغفر لـي ذنوبـي
تغفر لي ذنوبـي والاثـام
كان اني ما اتقفى الغافلين
ولا اسب الاجاويد الكـرام
هجدنا النذير بهـود ليـل
وحنـا هاجعيـن بالمنـام
والشردان اشاروا بالرحيل
والظفران اشاروا بالمقـام
واقمنـا وبنينـا الخـيـام
وكل دونها لبـس الحـرام
يوم سعود جانا بالدويـش
جاب مطير مع صبيان يام
واهل سدير والسبعان معهم
والعجمان يقداهـم حـزام
والقصمان جونا من يميـن
يبـون المبانـي والجهـام
والدمـام دقـوه العبـيـد
ونور الشمس غاطيه الغمام
وشافونا وجونا سارحيـن
والله مانوونـا بالـرحـام
ولجن العـذارى بالصيـاح
شافن الجموع الها ادحـام
ورمن بالبخانق والهـدوم
وينخن بالجدود وبالاسـام
وردينا لدهمـان السيـوف
وسود الشلف كاسرة العظام
ومركاض يسر الناظريـن
ترعابه مرودنـت السنـام
لاتبكـن يابيـض النحـور
عان الفعل في ولد الامـام
دون البل مكرمت الضيوف
بعنا الروح بيـع مايسـام
فـــوصلــت القصيــدهـ الى مسلطـ ولـم تعجبـه
فقال ..( عطنا قصيدتن اجزل منــها يـاشيلويح )..
وجــاب شيليويح قصيدته الثـانيه ..:
جـانــا الـنـذيـر عـصـيــر
سرور شوق اللي حوى الراس بقران
يقـول جاكـم واحــد مايسـايـر
طاغي وظالم مانوى فيكـم احسـان
سعود جا مـن يمـة الشـرق فايـر
بصبيان يـام مرجحـة كـل ميـزان
معهم هل العارض وسبـع الجزايـر
ومعهم بريه وغيرهم جمـع دوشـان
وردوا لـراي مذربيـن البصـايـر
وقلنا على الله مانبا غيـره اعـوان
وسقنالهم جمـع يشـوق النضايـر
وموحدين اللـي ليـا وحـد اعـان
وبعد صـلاة الصبـح والعـج ثايـر
لين اتقى راس النجج عقـب مابـان
وخيل وسـط خيـل وخيـل تخايـر
وخيل مرزنهـا غنيـم بـن شبـلان
كنه ليا اعرض في وجيـه الجرايـر
يمنع هذولا عـن هـذولا بقرعـان
وراحولنـا مـع قـدرة الله نحايـر
عقبان نجد اللي يقـدون الاضعـان
جوا بالجرايـر وانكفـوا بالخسايـر
خسايـر مـا تنتعـوض بالاثـمـان
والله مـا اذم متيهـيـن العشـايـر
لكـن ضاموهـم عطيبيـن الاكـوان
الـدم سايـل فـي وجيـه الكسايـر
وراحت سربهم كنها جـول غـزلان
ووصلــت الى مسلـطـ ولـم تعجبـه ايضـأ وقال
عطـنا اجزل مـنها والا وصينا غيركـ ياشليويح
ثـم قال شليويح معلقته الشهيرة التي تعد من عيون الشعر النبطي والتي علقت في اذهان سكان الجزيرة العربية وقد اعجبت تلك القصيدة الامير مسلط , يقول شليويح في معلقته :
اول كلامـي طلبتـي ذكـر الله
ماني عن الرب الكريم غنـاوي
أغفر ذنوبي يـا محـل ذنوبـي
ان كان في بدع كلامـي غـاوي
مانيب من يمدح بقولـه لسانـه
ولا ني على عشق البني هواوي
على طلال الصبح خيـل مخيلـة
تاصل سناويها الـى المطـاوي
وبروقها الهند ومصاقيل العجـم
ورعودها البـارود والعـزاوي
وتمطر بعطشان المحبب والقنـا
والها بروس الخيريـن تعـاوي
جانـا سعـود مسيـر بجنـوده
معه الدويـش ولمـة البـداوي
ومعه جموع سبيع واهل العارض
وصبيان يام وبيرق القصمـاوي
ثمانيـة الاف عـداد جموعهـم
بلـوى وربـي يدفـع البـلاوي
وحنا ثمانمائة عـداد جموعنـا
ماش اجنبي فينـا ولا برقـاوي
الاد روق اللـي عريـب جدهـم
لاجا مـن الحكـام رد بـراوي
ندّب علينا شيخنا ابـن محمـد
ثم انتهض مثل العقاب النـاوي
عودٍ تعطف في ظهـر جلومـز
جلومزٍ مثل القضيـب الهـاوي
مترفـعٍ عنهـا اللحـم بعلوهـا
شعلاً شعـاع شعلّـةٍ شعـلاوي
وصحنا عليهـم ثـم عاونـا الله
لين انها صـارت لنـا منـاوي
ياظفرهـم لاقـرب الله دارهـم
وحنا عليهم مثـل نجـمٍ هـاوي
لكن سربتهم اليا اوجهنـا بهـم
شـراد ريـم مـع حمـاد داوي
لكن سربتنا الـي اوجهـوا بنـا
زمولٍ مخزمة علـى الكـراوي
وطلحه نحوا عنا ببريه يسارهـم
وتعاقبوا دهم العـروق هـداوي
كن الجنايز في نحـاوي طلحـه
جدع الخشب فالوادي السنـاوي
وحنا تلاقينـا بسربـة علـوى
وساع الطعون مطوعين الغاوي
ونخيت مزحم سعد منهم ربعـه
يوم اللقـا زادوا ورا الهقـاوي
ردوا يمانيهـم لكـل مـجـرب
ياما خذوا من روح كل مسـاوي
نضرب بسلات الهنادى روسهم
ونقصم مثانيهم مهيب سطـاوي
ونرخي فيهم حد كـل موصلـة
في فعلها يحتـار كـل مـداوي
وارويت مذلوق القنا من خيلهـم
والشيوخ ما صدوا لها نحـاوي
ومنعت سلطـان البعيـر بينهـم
يوم ادبحـوا شرابـة القهـاوي
يارب تنجـي وتنجـي سابقـي
اللـي تزبنـي عـن الاهـاوي
ما يلحق العنان هامـة راسهـا
ياكود يركيها علـى السنـداوي
مضرب يديها في صليب الرقـه
تاخذ من ادنى الحزم كبر الشاوي
قبٍ من الزلبـات وا فٍ عدهـا
بنت الاصيل وركضها فجحـاوي
ابرهـا وام العـيـال تبـرهـا
تشرب حليب الفاطر الجنفـاوي
تطلعن يالبيض فـي مركاضنـا
وصلت كسايرهم الى الحجنـاوي
وعزي لهم لولا اسمر في خيلهم
يهوي علينا اهوايـة النـداوي
لا رحم ابو من صد عن محرافها
يوم انجلاع الستر عن مضـاوي
نطعن لعين اللي تهـل دموعهـا
تبكي وفي تالي البكـا نخـاوي
تقول ياالظفران مـن عاداتكـم
هوشوا عسى يبقي لنا شـلاوي
ونطعن لعين اللي تجـر حنينهـا
عفـرا تبـا صيفيـة المطـاوي
قلت ابشري بالفك ياحـم الـذرا
دام الطعـن يفـك والاهــاوي
تزبنـوا عنـا قصـور عنيـزة
لين احتماهم بيرق القصمـاوي
ترعى بنا عوج الركاب وتنثنـي
ماحدرت حسلة الى الحجنـاوي
والمدح لله ثـم نسـل محصـن
عسى لهم عند الالـه عـراوي
ذوي ثبيت اهل المناخ شيوخنـا
واهل الكرم والمنزل المتسـاوي
سواقة المغتـر علـى الحرابـه
يوم الحريب عن الحريب يلاوي
يا مسوي الفنجال عده لمـدوخ
واثنه لابن صـلال والجـلاوي
وانا زبون الحرد ابو ضيف الله
لا قصر البرطم عـن الشفـاوي
وانا احمد الله يوم انا من لابـه
ماهم بقطمان اليديـن شـواوي
وقال الشاعر سهاج بن غلاب بن ربيعان هذه القصيده :
جانا النذير سرور وسعود جا اليوم
يقدا الجموع الضاريـات المهيلـه
وبقدرة الله راحوا اشتات وقسـوم
عقبان نجد اهل الفعـول الجليلـه
بدر الدويش اللي من العام مسموم
مبط يحايلنـا علـى كـل حيلـه
ماخلقت الدنيا ولا الدين في يـوم
واللـي تمنـى حربنـا نعتديلـه
يوم من الجمعه على هلـة التـوم
عج الرمك كنه عجـاج المخيلـه
سقنا لهم جمع من الغيض مزحوم
مثل الخيال اللـي ثقيـل مخيلـه
اولاد روق اللي كما دولة الـروم
مروية حدب السيـوف الصقيلـه
ومركاضنا من عقبه الجمع مثلـوم
ولبس الحداد اللي ينقض جديلـه
ومن طاح لاراحم ولاهوب مرحوم
بموصـلات بالعـروق الطويلـه
والكبد ماذاقت من الـزاد مطعـوم
ليـن انكفتهـم خيلنـا فالدبيلـه
ويا طير ياللي فالسما تكثر الحـوم
عان السدارا روسهـم فالمسيلـه
وفهد ولد سدحان في مذبح القـوم
وراعي الرويضه ما لقا من يشيله
الذبـح تسعميـه وزود بلمـلـوم
عود من الروسان ربـي مزيلـه
وراك يالملوم تخمـر مـع القـوم
ما جا من الله ما معي فيـه حيلـه
وقـــال ايضـا ..:
هاضتني جموع المسلميني
جونا مثل عمدان الجـرادي
جونا من يسار ومن يميني
والدمام من صبحه ينـادي
يالله ياشفيـع المومنينـي
روس الحضر نطلٍ فالمنادي
خل العرد درعات الحنينـي
ترعى من طلال الى الثنادي
وقعة طلال العظيمة (1290)وقعة طلال العظيمة عام ( 1290 )
ذكر ابن عيسى في كتابه عقد الدرر فيما وقع في نجد في آواخر القرن الثالث عشر وأول الرابع عشر
اما المؤرخين الذين ذكرو المعركه بأيجاز فهم :
1- ابن عيسى في كتاب (عقد الدرر))
2- البسّام في كتاب ((تحفة المشتاق ))
3- العثيمين في كتاب ((تاريخ المملكه العربيه السعوديه ))وهو كتاب يدّرس كمنهج في الجامعات السعوديه.
4- العطّار في كتاب (صقر الجزيره)
5- ابو عليه في كتاب (تاريخ الدوله السعوديه الثانيه)
6- المؤرخ والكاتب الانجليزي جون فيلبي في كتاب (تاريخ الوهابيين)
اولآ..:
التعريف بشخصية الامير سعود بن فيصل بن تركي ال سعود
الحاكم الرابع للدوله السعوديه الثانيه ,ولد عام 1245هـ تقريبا , امه بنت الشيخ ابن منديل من زعماء بني خالد القبيله المشهوره , عرف الامير سعود بالشجاعه والكرم ,حتّى لقّب (أبوهلا), وهو والد الفارس الامير المشهور محمد بن سعود (غزالان), وهو ايضا جد الفارس الامير سعود الكبير (العرافه)بن عبدالعزيز بن سعود الفيصل ,من سلالته اليوم الامراء, ال كبير (صاحب السمو الاميرسلطان بن محمد بن سعود الكبير
حفظه الله وأخوانه ), ومن سلالته ايضا الامير الشاعر (السامر) عبدالعزيز بن سعود بن محمد بن عبدالعزيز بن سعود الفيصل .
(نعم بذا الوالد ونعم الوليدي ), (صقور من ماكر صقور)
يقول الشاعر فجحان الفراوي مادحا الامير سعود بن فيصل :
ياسعود ياترث الصخا منقع الجود =انت الغرض ماعاد نبغى بدالـك
انته سعود معرب الجـد بشهـود =أبوك فيصل وابن منديل خالـك
كان لما توفي والده الامام فيصل بن تركي عام 1282ه , خرج عن طاعة اخيه عبدالله بن فيصل , وحصلت بينهم عدّة وقعات , انتصر في اغلبها على عبدالله , ثم دخل الرياض حاكما في المحرم عام 1288ه الى ان توفي ,
توفي رحمه الله في الرياض في شهر ذي الحجه عام 1291ه .
اسباب المعركه :
للمعركه عدّة اسباب :
السبب الاول-ان الامير مسلط بن ربيعان لم يفد على سعود , ولم يبايعه ولم يعطه الزكاة ..يقول المؤرخ مقبل الذكير في مخطوط (مطالع السعود) (....لما حصلت الانتصارات لسعود على أخيه عبدالله , في وقعتي جوده_ 1287ه _والبره_1288ه _وفد عليه رؤساء القبائل يهنئونه , الامسلط بن ربيعان فأنه لم يفد عليه فنقم عليه سعود وأراد ان ينكل به....)).انتهى ص96
السبب الثاني_ ميل الامير مسلط بن ربيعان الى صف الامام عبدالله بن فيصل ..حيث يقول الذكير(......كان سعود ناقما على مسلط ,لانه كان سابقا يميل الى عبدالله الفيصل , رغم انه لما حصل الخلاف بين عبدالله وسعود تجنب مسلط امورهم ولم يتدخل في شيء منها ولم يساعد أحد منهم ...)) انتهى ص 96
السبب الثالث- أن الدويش ورؤساء مطير حرّضوا سعود على غزو عتيبه , بسبب ان عتيبه قد أخذت بعض حلال مطير السنه الفائته .....وفي ذلك يقول الذكير قاصدا سعود (....وحمله على ذلك _غزو عتيبه _ الدويش ورؤساء مطير ...))انتهى
والدويش هو الشيخ بدر بن شقير بن محمد بن فيصل بن وطبان الدويش
شيخ ال محمد من الدوشان , فقد جمع الشيخ بدر الدويش فرسان مطير من علوى وبريه فرعي قبيلة مطير , وبرز من فرسانهم في المعركه , الفارس بدر بن مشل الدويش , والفارس الشيخ غنيم بن شبلان شيخ اليحيا من الجبلان علوى مطير , والفارس الشيخ سلطان البعّير شيخ الخواطره من الموهه من علوى مطير .
مقدمات المعركه
نبه الامير سعود بن فيصل بالمغزا , وأرسل الى روؤساء البلدان والقبائل , فأجتمع لديه خلق كثير , نعدد منهم 1- مطير بفرعيها علوى وبريه 2- سبيع بقيادة الشيخ فراج بن عساف ابوثنين 3- العجمان بقيادة الشيخ حزام بن مانع بن حثلين 4-الدواسر منهم الشكره بقيادة شيخهم ابن حفيظ .
اما الحضر فمنهم اهل العارض وأهل الوشم بقيادة ابن سدحان والبواردي وأهل الخرج والحوطه والحريق بقيادة الهزاني , واهل الغاط بقياده الامير محمد بن أحمد السديري _خال الملك عبدالعزيز _وأهل القصيم بقيادة الامير مهنا الصالح ابالخيل .
ساروا في ربيع الثاني عام 1290هـ, فلما قطعوا اكثر من ثلثي المسافه , متجهين الى حيث يقطن مسلط بن ربيعان على آبار طلال في عالية نجد , فشاهدهم رجل من عتيبه اسمه سرور الحمادي , فسابقهم يريد ان ينذر قومه ,فوصل اليهم قبل الجيش بليله , فجاءهم باليل (العتيم), وأخبر مسلط بما شاهد , فأمر مسلط أحد عبيده بأن يكبّر النار بوضع جميع الحطب فيها , وأرسل مراسيل يستدعي كبار القوم , فلما حضروا أخبرهم , وقال ان سعود قريب وحروته صباح الغد , وش رايكم , فأختلفت الاراء بين الشديد والهزيمه , وبين الثبوت والعزيمه (وكان من رأي مسلط الثبات , وهذا هو رأيه دائما ,اليس هو مناوخ الحكام؟؟, لكن يريد أن يتفحص عزائم القوم ) فقال فريق آخر : نبي نهزّم البل بليل ونبقى خيل ورجال , وأذا جاء قابلناه اما ننتصر, واما ان انتصر سعود مانخسر الا السوادين (بيوت وغنم).قال الامير مسلط : وش حنا بليا السوادين ,,,هذا ماهوب راي ,,ثم تفقد الحضور وسأل عن صنيتان الضيط , وكان غائبا , فأرسل من يندبه (وكان الضيطه مشهورين الى جانب شجاعتهم , بسداد الرأي )فلما جاء صنيتان , خاطبه الامير مسلط وقال: وش رأيك ياصنيتان , قال صنيتان : الرأي رايكم , قال مسلط : مالقينا رأي ناس تقول ننهزم وناس تقول نواجه بدون مال ,وانت وش رايك ياصنيتان , قال صنيتان الضيط مقولته المشهوره:الرأي (عقال ومبرك وقلب يأوي لهن هدان), يعني عقّلوا البل ونحارب دونها , فقال الامير مسلط: هذا هو الرأي ,أسمعوا يالحضور , الحاضر يعلّم الغايب ,ترى المنع مرفوع , وترى اللي يمنع مسهوج وجهه,قال صنيتان الضيط :قم يافلان وقم يافلان ونادوا فلان وفلان عدّد مجموعه من شباب القوم , قال ياعيال , الحين سعود منّوخ ويبي يصبحّنا , والمتسرقه (المتسللين)من قومه يشوفون نيرانّا , ويبون يحوفون البل والبيوت قبل البيرق , لكن حنا نبغا نكمن لهم , في أسفل الشعيب , ومن جاء منهم ذكيناه , وقطعنا راسه , وحطينا راسه عند رجليه , حتى أذا أغار القوم صباحه , يشوفون ربعهم على الدرب , بهذا المنظر ويرتبكون , ويجفلون ,,ففعل مثل ماقال ..
ثم لمّا دخل مسلط (المحرم )قسم النساء , جاءته ابنة أخته (مضاوي بنت الحميدي الدويش , امها شعاع بنت محمد بن ربيعان , ومضاوي كانت متزوجه من ولد خالها تركي بن سلطان بن ربيعان )وقالت لخالها الامير مسلط : ياخالي أنا طلبت بنات خوالي انني أكون في العطفه الصبح , ورضوا , وانا هالحين طالبتك ايّاها ,فقال مسلط لكي ماتريدين ..
المعركه
فلما جاء الصبح رتّب الامير مسلط جموعه وصاح فالروقه قائلا وين ذهين الحبردي ,وين خالد اباالروس
وين دهمش الحبردي ,فلما اتو قال الامير مسلط لذهين سق الجمل فقال ذهين ,انا اخو ذهنه عنزتها على وانا
عنزتها على الله فساق الجمل وفرسان الحبرديه حولها ثم وضع المزاحمه في الميمنه , وطلحه في الميسره , فتقدم الامير مسلط وكان عاصبا رأسه بقماش أحمر , ولبس جوخة حمراء , والى يمينه الفارس الداهيه مدوّخ السليح عاصب راسه بخرقة سوداء , وعلى يساره الفارس ذعار بن صلاّل والفارس الجلاوي .
فلما تقدّموا (وكان مسلط على فرس شعلى اللون ,وكان هو في المقدمه , على انه كان كبير السن حدود 70عام , فلما تقدّم سمعت فرسه صوت الطبول , في الجيش المقابل , وكانوا العبيد يقرعونها للتنبيه ولتحفيز الجيش على القتال ..فلما سمعت الفرس الصوت ...(أحرنت ) جفلت ,فلكدها مسلط بقدمه , وقال والله لتلكدين ,( ما مروعك الا عبد يقرع له شن),.........فتقدم وصاح , الآد روق ياعيال أبوي , اليوم يومكم , عوايدكم .......علااااااااااهم , والله أكبر .
ثم فزعت الخيل بالفرسان , وأشتبكت الجموع , وبدا الغبار وريح البارود
وصهيل الخيل وقرع السيوف وأصوات العزاوي
وانغمس الجمل بالعطفه في وسط الميدان , وخرجت
البنت (مضاوي) وحذفت , شيلتها وفرعّت , وصاحت وهي تبكي ...
(عليهم يالاد روق عليهم يالاد روق ,,هوشوا هوشوا ,,عسالكم تالي ..عسا لكم تالي ..).فانتصروا على انهم أقل بكثير من جيش سعود
كان عددجيش الامام اكثر من ثمانية الاف مقاتل
وكان عدد الروقه قيل ثمانميه وقيل في روايه اخرى انهم ثلاثميه
يقول المولى عز وجل في محكم التنزيل ((....قال الذين يظنوا انهم ملاقوا الله كم من فئة قليله غلبت فئة كثيره بأذن الله والله مع الصابرين ))آيه 249 سورة البقره.
قال الاستاذ أحمد عطّار في كتاب صقر الجزيره ج1 ط2 صفحه 76. بعد ان تحدث عن حكم سعود .((.....وأخيرا ضعف شأنه حتى قام عليه رجال عتيبه تحت أمرة زعيمهم مسلط بن ربيعان , بأعمال النهب و السلب وونهبوا الجانب الغربي , من الرياض فخرج اليهم سعود , وتقاتل رجاله مع رجال مسلط ,قتالا شديدا ,ذهب ضحيته ,كثير من المخلصين لسعود , واصيب هو نفسه , بجرح بليغ الزمه الفراش مده وكان ينغر عليه ويخرج منه الدم فمات من أثره عام 1291هـ..))انتهى
يقول المؤرخ ابن عيسى واصفا شراسة المعركه , وعدد من قتل فيها (....فحصل بين الفريقين قتال شديد , وصارت الهزيمه على سعود بن فيصل , ومن معه وقتل منهم خلق كثير ....))
وكان عدد القتلى في المعركه اكثر من تسعمئه قتيل
ومن مشاهير القتلى الذين ذكرهم
1-الامير سعود بن صنيتان ال سعود
2- الامير محمد بن احمد السديري امير الغاط وخال الملك عبدالعزيز.
3- عبدالعزيز بن احمد السديري خال الملك عبدالعزيز.
4- الامير علي بن ابراهيم بن سويد امير جلاجل
5- الامير فهد بن سعد بن سدحان امير شقراء
6- سعد بن محمد البواردي من كبار اهل الوشم
وغيرهم كثير .
كذلك قال الفارس الشاعر شليويح العطاوي عدّة قصائد
يقول المؤرخ العبيّد في مخطوط النجم اللامع , في صفحه 297 بعد ان تحدث عن تفصيل المعركه :
((...وتشهد بشهرتها , قصيدة شليويح العطاوي , كما شهدت , قصيدة عمرو بن كلثوم لبني تغلب في وقعة خزاز , مع اليمانيين .....))
ومــن القصــائد التي قيلــت بهـاذهـ المعركه ..:
قصيدة شليويح العطاوي ويقول فيها:
الا يالله تغفر لـي ذنوبـي
تغفر لي ذنوبـي والاثـام
كان اني ما اتقفى الغافلين
ولا اسب الاجاويد الكـرام
هجدنا النذير بهـود ليـل
وحنـا هاجعيـن بالمنـام
والشردان اشاروا بالرحيل
والظفران اشاروا بالمقـام
واقمنـا وبنينـا الخـيـام
وكل دونها لبـس الحـرام
يوم سعود جانا بالدويـش
جاب مطير مع صبيان يام
واهل سدير والسبعان معهم
والعجمان يقداهـم حـزام
والقصمان جونا من يميـن
يبـون المبانـي والجهـام
والدمـام دقـوه العبـيـد
ونور الشمس غاطيه الغمام
وشافونا وجونا سارحيـن
والله مانوونـا بالـرحـام
ولجن العـذارى بالصيـاح
شافن الجموع الها ادحـام
ورمن بالبخانق والهـدوم
وينخن بالجدود وبالاسـام
وردينا لدهمـان السيـوف
وسود الشلف كاسرة العظام
ومركاض يسر الناظريـن
ترعابه مرودنـت السنـام
لاتبكـن يابيـض النحـور
عان الفعل في ولد الامـام
دون البل مكرمت الضيوف
بعنا الروح بيـع مايسـام
فـــوصلــت القصيــدهـ الى مسلطـ ولـم تعجبـه
فقال ..( عطنا قصيدتن اجزل منــها يـاشيلويح )..
وجــاب شيليويح قصيدته الثـانيه ..:
جـانــا الـنـذيـر عـصـيــر
سرور شوق اللي حوى الراس بقران
يقـول جاكـم واحــد مايسـايـر
طاغي وظالم مانوى فيكـم احسـان
سعود جا مـن يمـة الشـرق فايـر
بصبيان يـام مرجحـة كـل ميـزان
معهم هل العارض وسبـع الجزايـر
ومعهم بريه وغيرهم جمـع دوشـان
وردوا لـراي مذربيـن البصـايـر
وقلنا على الله مانبا غيـره اعـوان
وسقنالهم جمـع يشـوق النضايـر
وموحدين اللـي ليـا وحـد اعـان
وبعد صـلاة الصبـح والعـج ثايـر
لين اتقى راس النجج عقـب مابـان
وخيل وسـط خيـل وخيـل تخايـر
وخيل مرزنهـا غنيـم بـن شبـلان
كنه ليا اعرض في وجيـه الجرايـر
يمنع هذولا عـن هـذولا بقرعـان
وراحولنـا مـع قـدرة الله نحايـر
عقبان نجد اللي يقـدون الاضعـان
جوا بالجرايـر وانكفـوا بالخسايـر
خسايـر مـا تنتعـوض بالاثـمـان
والله مـا اذم متيهـيـن العشـايـر
لكـن ضاموهـم عطيبيـن الاكـوان
الـدم سايـل فـي وجيـه الكسايـر
وراحت سربهم كنها جـول غـزلان
ووصلــت الى مسلـطـ ولـم تعجبـه ايضـأ وقال
عطـنا اجزل مـنها والا وصينا غيركـ ياشليويح
ثـم قال شليويح معلقته الشهيرة التي تعد من عيون الشعر النبطي والتي علقت في اذهان سكان الجزيرة العربية وقد اعجبت تلك القصيدة الامير مسلط , يقول شليويح في معلقته :
اول كلامـي طلبتـي ذكـر الله
ماني عن الرب الكريم غنـاوي
أغفر ذنوبي يـا محـل ذنوبـي
ان كان في بدع كلامـي غـاوي
مانيب من يمدح بقولـه لسانـه
ولا ني على عشق البني هواوي
على طلال الصبح خيـل مخيلـة
تاصل سناويها الـى المطـاوي
وبروقها الهند ومصاقيل العجـم
ورعودها البـارود والعـزاوي
وتمطر بعطشان المحبب والقنـا
والها بروس الخيريـن تعـاوي
جانـا سعـود مسيـر بجنـوده
معه الدويـش ولمـة البـداوي
ومعه جموع سبيع واهل العارض
وصبيان يام وبيرق القصمـاوي
ثمانيـة الاف عـداد جموعهـم
بلـوى وربـي يدفـع البـلاوي
وحنا ثمانمائة عـداد جموعنـا
ماش اجنبي فينـا ولا برقـاوي
الاد روق اللـي عريـب جدهـم
لاجا مـن الحكـام رد بـراوي
ندّب علينا شيخنا ابـن محمـد
ثم انتهض مثل العقاب النـاوي
عودٍ تعطف في ظهـر جلومـز
جلومزٍ مثل القضيـب الهـاوي
مترفـعٍ عنهـا اللحـم بعلوهـا
شعلاً شعـاع شعلّـةٍ شعـلاوي
وصحنا عليهـم ثـم عاونـا الله
لين انها صـارت لنـا منـاوي
ياظفرهـم لاقـرب الله دارهـم
وحنا عليهم مثـل نجـمٍ هـاوي
لكن سربتهم اليا اوجهنـا بهـم
شـراد ريـم مـع حمـاد داوي
لكن سربتنا الـي اوجهـوا بنـا
زمولٍ مخزمة علـى الكـراوي
وطلحه نحوا عنا ببريه يسارهـم
وتعاقبوا دهم العـروق هـداوي
كن الجنايز في نحـاوي طلحـه
جدع الخشب فالوادي السنـاوي
وحنا تلاقينـا بسربـة علـوى
وساع الطعون مطوعين الغاوي
ونخيت مزحم سعد منهم ربعـه
يوم اللقـا زادوا ورا الهقـاوي
ردوا يمانيهـم لكـل مـجـرب
ياما خذوا من روح كل مسـاوي
نضرب بسلات الهنادى روسهم
ونقصم مثانيهم مهيب سطـاوي
ونرخي فيهم حد كـل موصلـة
في فعلها يحتـار كـل مـداوي
وارويت مذلوق القنا من خيلهـم
والشيوخ ما صدوا لها نحـاوي
ومنعت سلطـان البعيـر بينهـم
يوم ادبحـوا شرابـة القهـاوي
يارب تنجـي وتنجـي سابقـي
اللـي تزبنـي عـن الاهـاوي
ما يلحق العنان هامـة راسهـا
ياكود يركيها علـى السنـداوي
مضرب يديها في صليب الرقـه
تاخذ من ادنى الحزم كبر الشاوي
قبٍ من الزلبـات وا فٍ عدهـا
بنت الاصيل وركضها فجحـاوي
ابرهـا وام العـيـال تبـرهـا
تشرب حليب الفاطر الجنفـاوي
تطلعن يالبيض فـي مركاضنـا
وصلت كسايرهم الى الحجنـاوي
وعزي لهم لولا اسمر في خيلهم
يهوي علينا اهوايـة النـداوي
لا رحم ابو من صد عن محرافها
يوم انجلاع الستر عن مضـاوي
نطعن لعين اللي تهـل دموعهـا
تبكي وفي تالي البكـا نخـاوي
تقول ياالظفران مـن عاداتكـم
هوشوا عسى يبقي لنا شـلاوي
ونطعن لعين اللي تجـر حنينهـا
عفـرا تبـا صيفيـة المطـاوي
قلت ابشري بالفك ياحـم الـذرا
دام الطعـن يفـك والاهــاوي
تزبنـوا عنـا قصـور عنيـزة
لين احتماهم بيرق القصمـاوي
ترعى بنا عوج الركاب وتنثنـي
ماحدرت حسلة الى الحجنـاوي
والمدح لله ثـم نسـل محصـن
عسى لهم عند الالـه عـراوي
ذوي ثبيت اهل المناخ شيوخنـا
واهل الكرم والمنزل المتسـاوي
سواقة المغتـر علـى الحرابـه
يوم الحريب عن الحريب يلاوي
يا مسوي الفنجال عده لمـدوخ
واثنه لابن صـلال والجـلاوي
وانا زبون الحرد ابو ضيف الله
لا قصر البرطم عـن الشفـاوي
وانا احمد الله يوم انا من لابـه
ماهم بقطمان اليديـن شـواوي
وقال الشاعر سهاج بن غلاب بن ربيعان هذه القصيده :
جانا النذير سرور وسعود جا اليوم
يقدا الجموع الضاريـات المهيلـه
وبقدرة الله راحوا اشتات وقسـوم
عقبان نجد اهل الفعـول الجليلـه
بدر الدويش اللي من العام مسموم
مبط يحايلنـا علـى كـل حيلـه
ماخلقت الدنيا ولا الدين في يـوم
واللـي تمنـى حربنـا نعتديلـه
يوم من الجمعه على هلـة التـوم
عج الرمك كنه عجـاج المخيلـه
سقنا لهم جمع من الغيض مزحوم
مثل الخيال اللـي ثقيـل مخيلـه
اولاد روق اللي كما دولة الـروم
مروية حدب السيـوف الصقيلـه
ومركاضنا من عقبه الجمع مثلـوم
ولبس الحداد اللي ينقض جديلـه
ومن طاح لاراحم ولاهوب مرحوم
بموصـلات بالعـروق الطويلـه
والكبد ماذاقت من الـزاد مطعـوم
ليـن انكفتهـم خيلنـا فالدبيلـه
ويا طير ياللي فالسما تكثر الحـوم
عان السدارا روسهـم فالمسيلـه
وفهد ولد سدحان في مذبح القـوم
وراعي الرويضه ما لقا من يشيله
الذبـح تسعميـه وزود بلمـلـوم
عود من الروسان ربـي مزيلـه
وراك يالملوم تخمـر مـع القـوم
ما جا من الله ما معي فيـه حيلـه
وقـــال ايضـا ..:
هاضتني جموع المسلميني
جونا مثل عمدان الجـرادي
جونا من يسار ومن يميني
والدمام من صبحه ينـادي
يالله ياشفيـع المومنينـي
روس الحضر نطلٍ فالمنادي
خل العرد درعات الحنينـي
ترعى من طلال الى الثنادي